مرا بألف راجل
مش كل من قال نعزك هو يعزك ومش كل من قال نحبك هو يحبك ومش كل من حلف هو صادق ومش كل من دار جناحات صقر .. مش كل وحدة تعمل حمير مرا ومش كل من حكى كلمتين عالرجولية راجل .. هي مرا بألف راجل .. وقد ما حبّيت نخّط حروف خانتني .. حبّيت نكتب قصة تحكي عليها ما لقيتش منين نبدا .. مانيش نكتب باش الناس تسخف عليها .. ومانيش نعبّر باش الحسّاد تشمت فيها .. اليوم دموع سخونة هبطت من عينيّا .. هموم ووجايع تهزّو تنفض فيّا بعد ماهي تعبت وما عادش تنجّم تلعبها قويّة .. حبيت نقوللها ﺷﻮﻑ ﻗﺪﺍﺵ ﺍﻧﺘﻲ ﻗﻮﻳﺔ ﻭﺍﻟﻲ ﻣﺎ ﻓﺎﺗﺶ ﻓﻴﻚ ﺍﻟﻔﻮﺕ ما نجمتش .. بكلامها تشوف ﺍﻟﺪﻧﻴﺎ ﻣﺤﻼﻫﺎ ﺣﺘﻰ ﻭﻫﻲ ﻣﺪﻣﺮﺓ .. تشوف ﺍﻟﻤﻮﺕ مع كل غصرة ﺍﻣﺎ ﻓﺎﻟﺪﻧﻴﺎ ﻣﺶ ﻣﺴﻠﻤﺔ .. تغيب وترجع وتشوﻑ ﺍﻟﻜﻼﻡ ﺍﻟﻲ ﺗﻘﺎﻝ عليها .. تضحك وتشيخ وتشوف ﺍﻟﺰﻣﺎﻥ ﻛﻴﻔﺎﺵ ﺩﺍﺭ ﻭﺍﻟﻲ ﺑﻨﺎﻭﻩ حسادها ﻳﻄﻴﺢ .. ﺗﻲ هي ﻗﻮﻳﺔ ﻭﺣﺘﻰ ﻛﻲ ﺗﺒﺪﺍ ﺳﺎﻛﺘﺔ ﺗﺼﻴﺢ .. ﻛﻞ ﺷﻲ فيها ﻳﺘﻜﻠﻢ ، تشوﻑ ﺍﻟﺪﻧﻴﺎ ﻓﻌﺮﻭقها .. نشوﻑ ﺍﻟﺪﻧﻴﺎ ﻣﺨﻴﺒﻬﺎ ﺍﻣﺎ هي ﻣﺤﻼها .. عينيها ﺗﻀﺤﻚ ﻭﺗﺤﻜﻲ ﺑﺴﻜﺎﺕ على رحلة وجع .. رحلة بدات بعد ما خلات ولدها عند راجلها ولطريق الغربة خذات .. غادي وين عملت فوبروفيل دخلت بيه لعالم افتراضي كان السبب في معرفتي بيها .. اييييييييييييييه قداش نبرنا وضحكنا وقداش سهرنا وقداش عملنا عمايل .. اييييه يا حسرة قداش ﺗﻮﺣﺸﺖ ﺃﻳﺎﻣﺎﺕ لفوبروفيل.. ﺃﻳﺎﻡ ﺍﻟﻠﻲ ﻣﺎ ﻳﺘﺠﺮﺋﺶ ﻭﺍﺣﺪ ﻳﺠﻲ ﻳﺴﺌﻠﻚ ﻋﻠﻲ ﻣﻘﺮ ﺍﻟﺴﻜﻦ ﻭ ﺁكا الرﻳﻖ .. مش ﻛﻴﻤﺎ توا ﻣﻦ ﺍﻭﻝ ﺩﻳﻜﻴﺴﻴﻮﻥ ﻛﺎﻥ ﻳﻠﻘﻲ ﻳﺠﺒﺪ ﻣﻀﻤﻮﻧﻚ .. ﺗﻮﺣﺸﺖ ﺃﻳﺎﻣﺎﺕ ﺍﻟﺴﻴﻨﻴﺎﻝ ..ﺃﻳﺎﻡ ﺍﻟﻬﺠﻤﺎﺕ ﻋﺎﻟﺒﺎﺟﺎﺕ .. أﻳﺎﻡ ﺍﻟﻠﻲ ﻛﻨﺎ عيلة ﻭﺣﺪﺓ.. تكريز وزواولة وعصابة فوبروفيل وغيرهم .. قداش ﺗﻮﺣﺸﺖ ﺍﻻﻳﺎﻣﺎﺕ ﻫﺬﻳﻜﺎ
ﻓﻲ ﭬﺮﻭﻭﻭﺏ ﺍﺗﺎﻙ ﻭﻏﻴﺮﻭ .. براف .. عرفنا شمعناها صحبة .. شمعناها صداقة .. شمعناها لهوة .. حاجة كبيرة وقوية وياسر بعيدة عالمخاخ البسيطة .. بعيدة عالناس العاديين حاجة أقوى مالحب أقوى مالعشق لي كتيبتنا الكل عليه .. عرفنا شمعناها إنسان يكون صاحبك .. إنسان يفديك بروحو وبمالو ساعات .. يحملك على طبيعتك يصلحللك يفهمك يقويك يضربك ويضرب عليك .. يدافع عليك في ضهرك خاطر هذيكا الصداقة .. الصداقة للي ما يعرفهاش هي برشة حاجات .. هي أرواح تآلفت هي قلوب تحابّت .. هي فهم بالإحساس .. هي مواقف .. صاحبك الحقيقي هو لي يحبك أكثر من بوك وأمك .. هو لي يحطك في عينيه .. صاحبك تقلو راني قتلت عبد يقلك وين ندفنوه .. صاحبك لي يخبي عليك أكبر عيوبك يتحدى العالم الكل على خاطرك .. صاحبك لي يعاشرك سنين وسنين وهو نفس الطبيعة .. مايتبدلش معاك .. ما يبدلكش بمال الدنيا .. صاحبك كي تتطعن في ضهرك يبكي في بلاصتك .. في أبسط الحاجات صاحبك .. كي تجوع يحس بيك يقسم معاك كعبة حلوى ... الصحبة حب .. الصحبة تآلف .. الصحبة دنيا ، عالم ، قليل لي يحس بيه ويعرفو الصحبة .. قد ما تحكي عليها وتوصفها وقد ما تقرى عليها وتسمع بيها ما تنجمش تحسها إلا ما تعيشها .. وانا عشتها وعشت هذا الكل وحسيتو وعرفتو معاها ..
مازلت نتذكر اول ما بدات تمرض .. سخانة .. جريان جوف .. سخانة .. جريان جوف .. سخانة .. جريان جوف .. يا بنتي برا شوف روحك .. برا عدي .. عادي طرف سخانة وتمشي على روحها .. سخانة .. جريان جوف .. سخانة .. جريان جوف .. يا بنتي راهو خيرلك برا امشي لطبيب .. ههههههههههههه عادي .. صاحبك راجل .. سخانة .. جريان جوف .. سخانة .. جريان جوف .. اخرتنبيه ما تمشيش راني مش نقول لامك تتصرف معاك .. باهي نهار الاثنين نمشي .. مشات وما رجعتش .. فيسبوك .. فايبر .. سكايب .. تليفون .. كل طرق التواصل تقصت .. فص ملح وذاب وأكثر مالشهر غياب .. بعدها تكلمني بعد ما شاحو دموعها الكل .. بعد ما تقبلت امر الله اللي قضاه الله وتقلي اللي مرضها ماكانش عادي .. كان سرطان .. برا يا زمان وايجا يا زمان نحات الصدر لول .. مشات وحدها .. رقدت وحدها .. حد ماهو معاها من اهلها .. فاقت مالعملية حلت عينيها لقات روحها وحدها .. تخرج مالكلينيك وحدها .. تمشي وتجي للشميو وحدها .. هذا الكل وحدها .. لشكون مش تقول ؟ لأمها؟ تمشي فيها وتموت كان تسمع .. حتى كي قررت تعمل زيارة لتونس .. قررت تنفصل على راجلها وتطلب الطلاق .. اي نعم انفصلت جسديا عليه باش في فرش الحلال ما يكتشفش مرضها وهوا لسانو ما يهنيهش ويصير اللي خايفة منو وتسمع امها .. نجحت في حيلتها وعدات الفاكونص كيما حبت واشتهات وأول ما رجعت صلحت علاقتها مع راجلها باش ولدها ما يضيعش زادا وحاولت تدبرلو فيزا يجي بحذاها يعينها على هم الزمان والمرض لكن هيهات عالاوروب والفيزا .. وتقعد هكاكة هاز هم توحل فيه الرجال .. مخبية على اقرب الناس ليها .. توكلت على ربي وما قالتش يا عبد .. هي توا قادمة على عملية اخرة خاطر السرطان مكبش وسرح في بلايص اخرة .. ومش تعاود نفس سيناريو العملية الاولة يمكن المدة اطول .. هي قصة كفاح مش كيما اي قصة .. هي
تعليقات
إرسال تعليق