تخلويض ...

بيني وبين الموتى حلمة ، وليوم حتى لأحلام هجرتني اما ميسالش خليني نحلم بيك ، نحلم بيك في الواقع  .. نحلم نخبي وجايعي ونحط في بلاصتهم مريول وسروال وطرف دبش ونهز الساك ونسافر لبلاصة ما نعرفهاش .. غادي وين ما نعرف حد وما يعرفني حد ، ولا عندي عدو ولا صاحب لا حبيب ولا قريب ولا منافقين ،  كيف ما يسأل عليا حد عادي موش متغرب في بلادي وما يسأل عليا حد هوني ، اصلا خير برشة كيف نتسى غادي وحد ما يعرفني باش ينساني وما فما حد يصدق كلام سمعو عليا خاطر مافما حد بش يحكي عليا ، نمشي وين تتنحى كلمة ما نعرش شبيني وبلحق مانعرفش شبيني حاسس بحاجة مانيش عارفها شنية ، نفس الشعور الي يحسو الطفل الصغيركي تقلو برا البس شلاكتك وأيجا معانا ، يمشي يلبسها يرجع ما يلقاهمش، وينهم ، مش قالولي بش نمشي معاهم!! .. نفس الشعور متع بعد ما تاخو التليكوموند تلقى الكوميك وفى ، الشعور اذكة كان عرفتو انا ديما نحسو في الشيرة الليسار متع القفص الصدري ، ساعات يوجعني كيف لمسامر لمغروسة ويخنقني كيف البوتليس ، ساعات نحس الي روحي اذيكة تحب تخرج موش بش نموت اما بش تسبقني للبلاصة الي حكيتلك عليها ضاقت علينا الدنيا الزوز وتقسمنا حتى انا وروحي وساعات نحكيو ، يمشيش فيبالك  هبلت؟ لا! ونعرفك تعرف لي انا مهبول من قبل موش من توا .. اما قبل ما نمشي بش نكثر من برشة حاجات بش نشتهاهم غادي ، ماكلة ، بلايص ، عباد تحكي نفس اللغة متاعي ، واولهم نتكى عند امي وتلعبلي بشعري ، اما لي شاهيه قبل ما نمشي تعنيقة من عندك تدفيني تخليني نتوحش لبلاد وترجعني، وبوسة توصيني فيها نرد بالي على روحي والعينين يقولولي بش نتوحشوك عنقني اقوى واقوى واقوى ، هذا شنوا شاهي قبل الرحيل ، او الهروب ، اما الهروب مش من الجبن .. الهروب من الغلاء والتعب والصعب والفقر ، تعبت ، في بلاد حرمتني بش نحقق حلمة طفل صغير حلمتها قبل  وواعد روحي بش نحققها ، خايف لا نبقى هوني نزيد نأكدلو الي انا عاجز، و نقول لكا الطفل الصغير كنت نستخايل كي بش نكبر نولي بطل ونعاون لعباد الي مستحقين العون ، موش نستحق المعاونة وحتى عبد ما عاونني ، ونقلو تتذكر كيف كنت نطيش روحي في القاعة حاسب روحي ميت؟ توا واقف على ساقيا حاسب روحي حي، تضحك لحكاية اما توجع ، توجع ياسر ، ولى كيف كنت نقول بش نغرق امي ذهب ، خاطر نعشق صوت شناشنها كيف يعملو حسّ كيف تتحرك ونعرف الي هي فاقت ، نلقى روحي كل عام تبيع قطعة على خاطرنا على قرايتنا على لبستنا على حوايجنا على عيدنا والصوت ماشي ويخفت لين معاش نسمعو ، وقتها عرفت الي انا عجزت وهاكا علاه قد ما حاولت نعوضلها نحس روحي ما عملت شي .. مع ذلك مازلت نمني في ﺭﻭحي ﺇلي ﻫﺎﻟﺪنيا تطلع ﺣﻠﻤﺔ ويجي نهار وﻧﻔﻴﻖ ﻭنلقى الي حاجتي بيهم بحذﺍﻳﺎ وﻋﻨﺪي .. نبدا ﺻﺒـﺎحي ﻣﻦ ﻏﻴﺮ ﻣﺮﺍﺭﺓ ﻭيتبدل مطعم قهوتي .. ﻛﻼﻡ ﺍﻟﺪﻧﻴـﺎ ساعات ﻣﺎ ﻳﻜﻔّﻴـﺶ الي ﻧﺤـﺐ نحكيه خاصة كي نقرا في هالعالم الافتراضي كلام يمسني من داخل ويمس الي قاعد نحس بيه ..  ووقت نحب نتكلم ما لقيت لشكون نحكي ونتكلم وشكون يسمعني وينصحني .. ﻭﻗﺪّﺍﺵ ﺍﻟﻨّـﺎﺱ ﺗﻠﺒـﺲ ﻣﺎﺳﻜﻮﺍﺕ في هالعالم ﺑﻴﻦ ﺇﻟّﻰ ﺟﺎﻳﺒﻬـﺎ ﺻﺎﺣﺒـﻚ ﻭﺑﻴﻦ ﺇﻟﻰ ﺣﺎﺳـﺐ ﺭﻭﺣـﻮ ﻳﺨـﺎﻑ ﻋﻠﻴـﻚ وبين الي يستغل مشاكلك باش يعملك مشاكل جدد .. بين الي يستغل طيبتك ويعديها عليك وبعد حتى السلام ماعادش تسمعها منو .. حاجة عادية مادام وصل للي حب عليه وقضى مصلحتو منك وخذا  الي حاجتو بيه ويخليك غارق في اوهام الأخوة والصحبة والمحبة بعد ما حليتلو مشاكلو وخرجتو مالغريق .. ﻭﻗﺘﻬـﺎ ﺍﻟﻮﻗـﺖ ﻳﺎﻗـﻒ .. ﻭ ﻣﻌـﺎﺩ ﻧﺮﻯ ﻛﺎﻥ روحي وﻧﻌـﺮﻑ ﺇﻟّﻰ اغلبهم موش ﺑﺎﺵ يقرا ﺃﻣـﺎ ﺍلشي ﺧﻨﻘﻨـﻰ  .. ﻋﻤﻠّـﻰ ﻏﺼّـﺔ وبديت نكتب .. كتبت الي في بالي دون أن أسأل لماذا أو لمن .. كتبت علي جرح وطعن ..  علي حب وتجن ..  علي مالقهرة الحب في قلبو تدفن  .. علي ضعف وحنّ .. علي ودعتو في كفن.. على نفوس كانت صافية وملاها العفن .. على بلاد الشّبّ الي يعيش فيها يتجن .. نكتب وقت نحب .. نكتب وقت نسب .. نكتب كيف نسكر وراسي للخلا تشب .. كتبت وحكيت مع روحي .. بوحتلها  باسراري وخليتها تبوحلي .. كتبت  وخلي دموعي تهبط حبار عالورق , خير ملي يشوفهم الي كنت نستخايلو حبيب وقلبي حرق .. كتبت علي خان لبلاد وسرق وعلي مات مقتول كيف قال كلمة حق .. كتبت على هاك الليلة , كيف كانت بالحب عينيك تشعل فتيلة , والرعشة البنينة الي في القلب وهاك السرحة الطويلة , والتبسيمة الي من غير سبب , كيف نتذكر كلامك نضحك وتقول ”مهبول وزاد شرب.“.. كتبت على الذكريات ,  وعالحب الي في قلوبهم مات .. كتبت علي عمرها ما نسات .. كتبت عالآهات ووجيعة سكنت في الجواجي وكلمة تحفرت في البال ما تمحات .. كتبت كي نتذكر .. كتبت كي ننسى .. كي نسكر .. كي نصحى , كي مالواقع نهرب .. هزينا ﺣﻤﺎﻝ ﺍﻟﺒﺨﺖ ﺍﻟﻤﺰﻣﺮ ﻭﺍﻟﺮﺍﺱ ﻣﻌﻤﺮ.. ﻳﺘﺨﻤﺮ ﺑﺎﻟﻠﻴﻌﺔ مدمر.. ﻭﻓﻮﺍﺡ ﺍﻟﺪﻡ .. ﺇﻟﻲ ﺟﺮﻯ ﻣﺎﻟﺠﺮﺡ ﺇﻟﻲ ﻣﺎ حب ﻳﺘﻠﻢ .. ﻣﻔﺮﺕ ﺭﺯﻡ ﻣﻄﻴﺸﺔ ﻣﻨﺰﻭﺳﺔ .. ﻣﻘﻄﻌﺔ ﻭﻣﺮﻳﺸﺔ.. ﻭﻋﻤﺮﻧﺎ ﺣﺮﺍﺵ ﻛﻲ ﻋﻮﺩ ﺍﻟﺸﻴﺢ ﺇﻟﻲ ﻟﻌﺒﺖ ﺑﻴﻪ ﺷﻬﺎﻭﻱ ﺍﻟﺮﻳﺢ .. ﺑﻼ ﻣﺎ ﺗﺒﻜﻲ ﻭﻻ ﺗﻨﻮﺡ ﻭﻻ ﺗﺘﻮﺟﻊ ﻭﺗﺼﻴﺢ .. ﺍﻟﻤﻜﺘﻮﺏ ﺣﻜﻢ ﻭﻛﺘﺐ ﻭﻫﻜﺎ ﺣﺐ ﻭﻛﻠﻮ ﻣﻠﻴﺢ .. ﺗﺤﻠﺤﺰ ﻓﺰ.. ﺇﻓﻬﻢ ﻟﻌﺒﺔ ﻟﻤﺸﺎﻣﻴﺔ .. ﻭﺗﻌﻠﻢ ﻓﻚ ﻭﺩﺯ.. ﻣﺎ ﻳﺴﺘﻨﺎﻙ ﺍﻟﻌﺰ ﻣﻦ ﻧﻜﺘﺔ ﻭﺗﻔﺪﻟﻴﻜﺔ ﻣﺶ ﻣﻦ ﺟﻴﻮﺏ ﻟﻜﺮﺯ.. ﺇﻣﻌﺲ ﻣﺤﻮﻧﻚ ﻭﺃﺭﺟﻢ ﻫﻤﻮﻣﻚ .. ﻭﺗﻔﻜﺮ .. ﺇﻟﻲ ﻣﺎ ﻓﻤﺎ ﻏﻴﺮ ﺍﻟﻔﺮﺣﺔ ﻓﻴﻬﺎ ﻣﻄﻤﻮﻉ.. ﻭﺍﻟﻔﺮﺡ ﻓﻲ ﺳﺒﺮﻧﺎ ﻣﺶ ﻣﻤﻨﻮﻉ .. ﻗﻄﺮ ﻛﺎﺳﻚ ﻭﺑﻴﻪ ﺇﺳﻜﺮ.. ﻭﻋﻤﺮ ﻟﻮﻭﻝ ﻭﺍﻟﺜﺎﻧﻲ .. ﻭﻣﺎ ﻋﺎﺩ ﺗﺴﺄﻝ ﻭﺗﻌﺎﻧﻲ .. ﻣﺎﻟﺰﻣﻢ ﻭﻋﻠﻢ ﻋﻴﻨﻚ ﺗﺸﻮﻑ ﺍﻟﻨﻮﺭ ﻣﺎﻟﻌﺪﻡ .. ﻭﻣﺎ ﻋﺎﺩ ﺗﺴﺄﻝ ﻭﻗﺘﺎﺵ ﻧﺪﺍﺑﺔ ﻋﻤﺮﻱ ﺗﻮفى .. ﺃﻋﻔﺲ ﻓﻲ ﺩﻳﻦ ﺃﻣﻬﺎ ﺭﻛﺒﺔ ﻭﻋﻴﺸﻬﺎ ﺩﻧﻴﺎ ﻣﺎﺗﺴﻮﺍﺵ .. ﻭﻛﺎﻥ ﺟﺎﺕ ﺗﺴﻮﻯ ﺭﺍﻙ ﻣﺎ ﺗﺤﻴﺎﺵ .. ﺩﺍﻫﺎ ﻣﺮ ﻭﻋﻘﺎﺭﻫﺎ ﻣﺎ ﻳﺴﺘﻨﺎﺵ .. ﺑﻼﻫﺎ ﺟﻤﺮ ﻭﻟَﻌْﻤُﺮْ ﻣَﺎزال ما ﻭْﻓَﺎﺵْ.